कवी व्हायला असं लागतंच काय?
छोटीसी बाग ..
कौलारू घर ..
अन प्राजक्तसडा बाग भर ..!!
जोराचा पाउस ..
दोस्तांची जोडी..
अन जोडीने सोडलेली होडी..!!
कवी व्हायला असं लागतंच काय ..?
निळा समुद्र ..
हिरवी जमीन ..
अन गुलाबी मैत्रीण ..!!
झालेली पुनर्भेट..
न झालेला समेट..
अन एक कटाक्ष तिचा थेट..!!
कवी व्हायला असं लागतंच काय?
स्वच्छ हाथ ..
नशिबाची एक रेघ..
अन हातात नसलेला नशिबाचा वेग,,!!
परतीचा प्रवास..
रात्रीची वेळ..
अन अचानक सुचलेली ओळ ..!!
कवी व्हायला असं लागतंच काय?
कटू सत्य..
बाहेरचा वास्तव ..
अन आत भडकलेला विस्तव ..
पोखरलेला समाज..
सात्विक संताप..
अन आपल्याच लोकांचे प्रताप..!!
.
.
विनायक
Subscribe to:
Post Comments (Atom)
No comments:
Post a Comment